NVL платформасына жазылым бойынша қолжетімділік беру туралы жария оферта

2026 жылғы 27 қазандағы редакция. 2026 жылғы 27 қазаннан бастап қолданылады.

1. Тараптар және шарт жасасу

1.1. «Neurovia Labs» ЖШС, БСН 260240023414 (бұдан әрі — Компания), жеке тұлғаларға, жеке кәсіпкерлерге және заңды тұлғаларға (бұдан әрі — Тапсырыс берушілер) neurovialabs.io сайтындағы NVL платформасына (бұдан әрі — Сервис) қашықтан қолжетімділік беру туралы шарт жасасуды ұсынады.

1.2. Ұйымның атынан әрекет ететін тұлға шарт жасасуға өкілеттігінің бар екенін растайды. Пайдаланушылар — Тапсырыс беруші тариф шегінде қолжетімділік беретін тұлғалар.

1.3. Ақылы қолжетімділік үшін офертамен және тапсырыс шарттарымен танысқаннан кейін таңдалған тарифті төлеу акцепт болып табылады. Free тарифі үшін офертаны қабылдауды айқын растай отырып тіркелу акцепт болып табылады. Сайтқа жай кіру акцепт болып табылмайды. Ұсынылған шот бойынша төлеген кезде ақша қаражатының Компанияның банктік шотына есепке жатқызылуы Офертаның акцепті болып табылады. Тараптар сұрау бойынша жеке шарт жасаса алады. Актілер мен электрондық шот-фактуралар Қазақстан Республикасының заңнамасына сәйкес ресімделеді.

1.4. Төлемге дейін Тапсырыс берушіге баға, кезең, тариф құрамы, лимиттер, акция мен келесі төлемнің шарттары, сондай-ақ жазылымнан бас тартқан кезде ағымдағы кезең үшін төлемақы қайтарылмайтыны туралы талап көрсетіледі (6-бөлім). Шарттың қабылданған редакциясын және тапсырыс параметрлерін Компания сақтайды және сұрау бойынша Тапсырыс берушіге ұсынады.

1.5. Шарттың ажырамас бөліктері:

• «NVL жазылымын төлеу, ұзарту және одан бас тарту» (1-қосымша);
• Баға тізімі (2-қосымша);
• Құпиялылық саясаты;
• Business тарифі үшін — жеке тапсырыс.

Құжаттар төлем кезінде қабылданған редакциясында қолданылады; Баға тізімі — тиісті кезеңді төлеу сәтінде қолданыста болған редакциясында (3.2-тармақ). Қазақстан Республикасы заңнамасының міндетті нормалары басым болады. Құжаттар арасындағы қайшылықтар Тапсырыс берушінің заңда көзделген құқықтарын шектеу үшін пайдаланыла алмайды.

2. Шарттың нысанасы

2.1. Компания интернет арқылы NVL функционалына қолжетімділікті және қолжетімділік мерзімі ішінде Сервис интерфейсін Тапсырыс берушінің өз міндеттері мен тарифте рұқсат етілген клиенттік жобалар үшін пайдалануға қарапайым (айрықша емес) құқықты береді. Бағдарламалық қамтамасыз етуге айрықша құқықтар берілмейді.

2.2. Сервис тариф көлемінде диагностика, өніммен, аудиториямен, гипотезалармен, контентпен, воронкамен және басқа да міндеттермен жұмыс істеу құралдарын, сондай-ақ Оракул ЖИ-көмекшісін қамтиды.

2.3. Жазылым оқыту шарты, «толық аяқталған » маркетингтік қызметтерін көрсету шарты немесе табысты болуына кепілдік болып табылмайды. Оқыту, кеңес беру және қосымша жұмыстар тек тапсырыста тікелей көрсетілген жағдайда ғана қосылады.

2.4. «Жақында» белгісі бар функциялар іс жүзінде іске қосылғанға дейін төленетін көлемге кірмейді.

3. Тарифтер және бағалар

3.3. Акциялық баға немесе жеңілдік тапсырысты ресімдеу кезінде көрсетілген жағдайда ғана қолданылады. Тарифті ауыстырудың өзі қайта жеңілдік алуға құқық бермейді. Компания акцияларды енгізуге және тоқтатуға құқылы; акцияның тоқтатылуы бұрын ресімделген тапсырысқа әсер етпейді.

3.4. «Барлық функционал» ресурстарды шексіз пайдалануды емес, бөлімдерге қолжетімділікті білдіреді. ЖИ лимиттері, сақтау және интеграциялар төлемге дейін ашып көрсетіледі және өткен күнмен енгізілмейді. Тапсырыста өзгеше көрсетілмесе, жарнамалық бюджеттер, басқа сервистерге жазылымдар және Тапсырыс беруші тарапындағы төлем сервистерінің комиссиялары NVL бағасына кірмейді.

3.5. «...бастап» деген баға кез келген соманы есептен шығаруға рұқсат бермейді. Business нақты баға мен тапсырыс параметрлері тіркелгеннен кейін ғана төленеді.

3.6. Есептік ай — қолжетімділік басталған сәттен бастап келесі күнтізбелік айдың тиісті күніне дейінгі кезең. Мұндай күн болмаса — келесі айдың соңғы күніне дейін. Аяқталу күні төлемге дейін және тапсырысты растауда көрсетіледі; Астана уақыты қолданылады. Компанияның кінәсінен белсендіру кешіктірілген жағдайда мерзім қолжетімділік берілгенге дейін өтпейді.

4. Төлем, белсендіру және ұзарту

4.1. Ақылы қолжетімділік алдын ала төлем бойынша беріледі. Қызметтерге ақы төлеу теңгемен, Тапсырыс берушіге төлем сәтінде қолжетімді тәсілдердің бірімен, оның ішінде банк картасымен, Kaspi сервисі арқылы, бөліп төлеу арқылы не ұсынылған шот негізінде жүзеге асырылады. Бөліп төлеуді банк немесе төлем серіктесі ұсынады, ол оның мақұлдауына байланысты. Төлемдер Robokassa («ФинСервисы» ЖШС, БСН 171140040315) және Prodamus («Продамус-Казахстан» ЖШС, БСН 220340010855) төлем сервистері арқылы қабылданады; төлемнің нақты операторы төлем жасалғанға дейін Тапсырыс берушіге көрсетіледі. Компания Тапсырыс беруші сатып алған қызметтің құнын және өзге шарттарын өзгертпестен, тартылатын төлем операторын өзгертуге құқылы.

4.2. Қолжетімділік сәтті төлем расталғаннан кейін белсендіріледі. Егер автоматты белсендіру орындалмаса, Компания қолжетімділікті төлем расталғаннан кейінгі келесі жұмыс күнінен кешіктірмей береді. Шот бойынша төлеген кезде қаражаттың түсуі негіз болып табылады.

4.3. Чек және бухгалтерлік құжаттар заңнаманың талаптарына сәйкес беріледі. Компания ешқашан банктің құпиясөзін, PIN немесе CVV сұрамайды.

4.4. Автоматты түрде ақша шегеру тек тиісті функция қосылғаннан және Тапсырыс берушінің бөлек, анық келісімі алынғаннан кейін ғана қолданылады; келісім белгісі алдын ала қойылмайды. Автоматты ұзартуды қосу белгісін қою арқылы Тапсырыс беруші байланған төлем құралынан жазылым құнын мерзімді түрде шегеруге келісім береді. Төлем мөлшері, мерзімділігі және бірінші шегеру күні растауға дейін көрсетіледі. Егер белгі қойылмаса, автоматты түрде ақша шегерілмейді. Офертаны қабылдау немесе картаны байлау өздігінен мұндай келісімді алмастырмайды. Осы редакция күніне автоматты ұзарту функциясы қосылмаған: автоматты және қайталама шегерулер жоқ.

4.5. Алдағы автоматты төлем туралы Компания кемінде 3 күнтізбелік күн бұрын еске салады. Ақша жаңа кезең басталғанға дейін шегерілмейді.

4.6. Автоматты ұзартуды жеке кабинеттен өшіруге болады (егер бұл функция қосылған болса) немесе тіркелген email-інен admin@neurovialabs.io поштасына хат жіберу арқылы. Болашақ төлемдерге берілген келісім сұраныс келіп түскен сәттен бастап тоқтатылады. Ал сұраныс келгеннен кейін алынған ақша толығымен қайтарылады.

4.7. Төлем сәтсіз болған кезде жаңа ақылы кезең белсендірілмейді және ол үшін берешек туындамайды.

5. Тарифті ауыстыру және қолжетімділіктің аяқталуы

5.1. Ағымдағы кезеңде тарифті жоғарылату қосымша төлемнің есеп-қисабы көрсетілгеннен және Тапсырыс беруші келісім бергеннен кейін мүмкін болады. Ағымдағы тарифтің пайдаланылмаған бөлігінің құны қосымша төлемге есепке жатқызылады.

5.2. Тарифті төмендету келесі кезеңнен бастап қолданылады. Компания қандай жобалар мен пайдаланушылар жаңа лимиттерден асып кететінін алдын ала хабарлайды. Тарифті ауыстыру деректерді жоюға келісім дегенді білдірмейді.

5.3. Жазылым аяқталғаннан кейін ақылы функциялар шектеледі. Қолжетімділік аяқталғаннан кейін 30 күнтізбелік күн ішінде Тапсырыс беруші өз деректерін жүктеп беруді сұратуға құқылы. Компания өтініш берушінің өкілеттігін тексергеннен кейін 10 жұмыс күні ішінде оны машинамен оқылатын форматта ұсынады. Жүктеп берілетін деректердің құрамы Құпиялылық саясатында көрсетілген.

5.4. Деректер жазылым аяқталған күні жойылмайды. Компания алдағы жою туралы кемінде 7 күнтізбелік күн бұрын хабарлайды, бұл жүктеп беруді сұратуға арналған 30 күндік мерзімді қысқартпайды. Сақтау мерзімдері Құпиялылық саясатымен және заңмен айқындалады.

6. Жазылымнан бас тарту және ақшаны қайтару

6.1. Тапсырыс беруші кез келген уақытта себептерін түсіндірместен жазылымды ұзартудан бас тартуға құқылы. Бұл жағдайда төленген тарифке қолжетімділік ағымдағы есептік кезең аяқталғанға дейін сақталады. Ағымдағы кезең үшін төлемақы автоматты түрде қайтарылмайды.

6.2. Төлемақы толық көлемде қайтарылады:

• қос немесе қате төлем үшін;
• қолданыстағы келісімсіз, оның ішінде автоұзартуды өшіру туралы сұрау алынғаннан кейін жүргізілген есептен шығару үшін;
• егер төленген тарифке қолжетімділік Компанияның кінәсінен берілмесе.

6.3. Төленген негізгі функцияның Компанияның кінәсінен қолжетімсіз болғаны расталған кезде Тапсырыс беруші қолжетімділікті тиісті уақытқа ұзартуды немесе осы уақыт үшін ақшалай қайта есептеуді таңдайды. Сервисте кемшіліктер болған кезде Тапсырыс беруші заңда көзделген қорғаудың басқа да тәсілдерін пайдалануға құқылы; ақшалай қайтару мәжбүрлі бонуспен алмастырылмайды.

6.4. Егер Компания Сервисті тоқтатса, төленген мүмкіндіктерді елеулі түрде қысқартса (8.3-тармақ) немесе Тапсырыс беруші тарапынан бұзушылық болмаған кезде қолжетімділікті шектесе, кезеңнің пайдаланылмаған бөлігі үшін төлемақы қайтарылады. Ол іс жүзінде төленген сомадан қалған уақытқа пропорционалды түрде есептеледі.

6.5. Business бойынша енгізу және қосымша жұмыстар тапсырыс шарттары бойынша бөлек төленеді және есептеледі. Жұмыстар аяқталғанға дейін олардан бас тартқан кезде есеп айырысу құжаттамалық негіздемесі бар іс жүзінде орындалған көлем бойынша жүргізіледі.

6.6. Осы бөлімнің ережелері Тапсырыс берушінің Қазақстан Республикасының заңнамасында белгіленген құқықтарын, оның ішінде тұтынушының құқықтарын және шартты орындаудан бас тарту туралы қағидаларды шектемейді. Егер заң нақты жағдайда қайтаруды көздесе, ол заңда белгіленген көлемде жүргізіледі.

6.7. Өтініш беру тәртібі, жауап беру және қайтару мерзімдері 1-қосымшада көрсетілген.

7. Пайдалану қағидалары және ЖИ

7.2. Заңсыз контентке, үшінші тұлғалардың құқықтарын бұзуға, рұқсатсыз қол жеткізу әрекеттеріне, зиянды кодқа және Сервистің жұмысын бұзатын әрекеттерге тыйым салынады.

7.3. Оракул және басқа ЖИ-функциялар Құпиялылық саясатында тізбеленген сыртқы ЖИ-провайдерлерді пайдалана отырып, жасанды интеллект негізінде жұмыс істейді. ЖИ жауаптарында қателер, толық емес мәліметтер мен жорамалдар болуы мүмкін. Жариялау, төлемдер және маңызды шешімдер алдында Тапсырыс беруші нәтижені тексереді. ЖИ болжамның дұрыстығына, сатылымға, пайдаға немесе құжаттың заңдық жарамдылығына кепілдік бермейді.

7.4. Оракул кәсіби заңгерлік, медициналық немесе қаржылық консультацияны алмастырмайды.

7.5. Бастапқы материалдарға құқықтар Тапсырыс берушіде қалады. Компания оларды тек шартты орындау үшін және заңға сәйкес өңдейді. Шарт Тапсырыс берушінің материалдарын жариялауға немесе оларды модельдерді оқытуға пайдалануға келісім бермейді. Жасанды интеллект нәтижелерінің ерекше құқыққа ие болатынына кепілдік берілмейді. Тапсырыс берушінің аты-жөні, бейнесі, пікірі, нәтижелері немесе кейсі тек оның жалпыға қолжетімді дереккөздерде таратуға берген бөлек, анық келісімімен ғана жарияланады. Мұндай келісім жариялау алдында тікелей жеке белгі немесе құжат түрінде рәсімделеді.

8. Қолдау, жаңартулар және қолжетімділікті шектеу

8.1. Қолдау: admin@neurovialabs.io, +7 771 525 77 09. Business басым қолдауының мерзімдері мен сағаттары тапсырыста тіркеледі.

8.2. Компания Сервистің жұмысқа қабілеттілігін қолдайды және мүмкін болған жағдайда елеулі жоспарлы жұмыстар туралы алдын ала хабарлайды. Шұғыл жұмыстар алдын ала хабарламасыз орындалады.

8.3. Жаңартулар кезең аяқталғанға дейін төленген мүмкіндіктерді елеулі түрде қысқартпауға тиіс. Егер бұған жол бермеу мүмкін болмаса, Компания тең құнды шешімді немесе 6.4-тармақ бойынша қайтаруды ұсынады.

8.4. Бұзушылықтар болған кезде Компания шектеудің себебін және өтініш беру тәсілін хабарлайды. Қауіпсіздікке қатер төнген, заңсыз әрекеттер жасалған немесе заң талап еткен кезде дереу бұғаттауға жол беріледі. Қалған жағдайларда Тапсырыс берушіге түзету үшін ақылға қонымды мерзім беріледі.

9. Құпиялылық және дербес деректер

9.1. Компания Тапсырыс беруші жобалары материалдарының құпиялылығын сақтайды және оларды шартты орындау үшін қажет болатын өз қызметкерлеріне және тартылған провайдерлерге ғана, сондай-ақ заңда көзделген жағдайларда ашады.

9.6. Тапсырыс берушінің деректеріне қатысты ақпараттың тарап кетуі (утечка) туралы Компания Тапсырыс берушіге негізсіз кідіріссіз хабарлайды.

10. Жауапкершілік және даулар

10.1. Тараптар шартты бұзғаны үшін Қазақстан Республикасының заңнамасына сәйкес жауапты болады.

10.2. Сервисті кәсіпкерлік мақсатта пайдаланатын Тапсырыс берушілер үшін Компанияның шарт бойынша жауапкершілігі Тапсырыс беруші соңғы 3 ай үшін төлеген сома шегіндегі нақты залалмен шектеледі. Айырылған пайда өтелмейді. Шектеу қасақана бұзушылыққа және заң бойынша шектеуге тыйым салынған жағдайларға қолданылмайды.

10.3. Сыртқы провайдердің ақаулығы автоматты түрде еңсерілмейтін күш мән-жайы деп танылмайды. Осындай мән-жайларға сілтеме жасайтын тарап оларды дәлелдейді және салдарын азайту үшін ақылға қонымды шаралар қабылдайды.

10.4. Претензиялар Компанияның email-ына немесе заңды мекенжайы бойынша жіберіледі. Претензиялық тәртіп уәкілетті органдарға және сотқа жүгіну құқығын шектемейді. Соттылық заңнамамен, оның ішінде тұтынушының сотты таңдауы ескеріле отырып айқындалады.

10.5. Егер тұтынушының құқықтарын қорғау жеке тұлғаның Компаниямен қатынастарына қолданылатын болса, шарт оны мұндай қорғаудан айырмайды.

11. Компанияның деректемелері